გურჯაანში წყალარინების კოლექტორი უკვე შეკეთებულია!
გურჯაანში წყალარინების კოლექტორის დაზიანების შესახებ გაერთიანებული წყალმომარაგების კომპანიის კახეთის რეგიონული ფილიალისთვის 15 ივნისს გახდა ცნობილი. აღნიშნულ ფაქტზე, გურჯაანის სერვის ცენტრის საავარიო ჯგუფმა ოპერატიული რეაგირება მოახდინა. წყალმომარაგების კომპანიის თანამშრომლები შეტყობინებისთანავე დაზიანების ა დგილზე მივიდნენ. მოხდა წყალარინების კოლექტორის სხვადასხვა ნივთებისაგან გაწმენდა, რაც განაპირობებდა კოლექტორიდან ამოსული წყლის გადინებას მოსახლეობის სასოფლო-სამეურნეო ნაკვეთების მიმდებარე ტერიტორიაზე.
კახეთის რეგიონული ფილიალის მენეჯერის ფარნაოზ მაყაშვილის განმარტებით, მსგავსი საავარიო სიტუაციების მოგვარება კახეთის მასშტაბით ოპერატიულად ხდება, რაშიც საავარიო ჯგუფებს, თანამედროვე ტექნიკა და ახალი საავარიო მანქანები ეხმარებათ.
