საგარეჯოს მუნიციპალიტეტის სოფელ მანავში წყალმომარაგების სამუშაოების 70% დასრულებულია


2022-12-26

საქართველოს რეგიონული განვითარებისა და ინფრასტრუქტურის სამინისტროს გაერთიანებული წყალმომარაგების კომპანია სოფელ მანავში 8 მლნ. ლარზე მეტი ღირებულების სამუშაოებს აწარმოებს. 

ამ ეტაპზე, ფიზიკური სამუშაოების 70% დასრულებულია. პროექტის ფარგლებში გათვალისწინებულია: მაგისტრალური მილსადენის, სატუმბო სადგურებისა და რეზერვუარების მშენებლობა/რეაბილიტაცია. ადგილზე მოეწყობა ჭაბურღილები და უწყვეტი წყალმომარაგებისთვის აუცილებელი ყველა საჭირო ინფრასტრუქტურა.

მიმდინარე პროექტი 2023 წლის დასაწყისში დასრულდება, რის შედეგადაც, სოფელ მანავის 4 000-ზე მეტი ბენეფიციარი 24 საათიანი, თანამედროვე სტანდარტების შესაბამისი წყალმომარაგებით იქნება უზრუნველყოფილი.

გარდა სოფელი მანავისა,  გაერთიანებული წყალმომარაგების კომპანიის დაკვეთით საგარეჯოს მუნიციპალიტეტში სამშენებლო სამუშაოები ექვსი პროექტის ფარგლებში მიმდინარეობს და ეტაპობრივად 2023-2024 წლებისათვის დასრულდება. აღნიშნული პროექტების ჯამური ღირებულება 48 მლნ. ლარს შეადგენს.

მიმდინარე პროექტები ქალაქ საგარეჯოსა და მუნიციპალიტეტის ცხრა სოფლის წყალმომარაგების სისტემის რეაბილიტაცია-მშენებლობას ითვალისწინებს, რის შედეგადაც საგარეჯოს 24 000-მდე ბენეფიციარი გაუმჯობესებული ინფრასტრუქტურითა და 24 საათიანი წყალმომარაგებით ისარგებლებს.




სიახლეები